I. Yaw shada ai lam

1)     Myu baw shagu hpe kabu gara shiga hkaw tsun sakse hkam let sape shatai na,

2)     Hpung masha ni sasana galaw chye ai ni byin tai wa na,

3)     Sasana ginra ni hpe buga hpung byin tai wa hkra galaw lu na matu,

4)     Sasana ginra na hpung masha ni hpe hkum dingnum bawngring wa hkra galaw na  rai nga ai.

II. Kabu Gara Shiga hte Sasana Dap malawm ni ;-

1)     Tingnyang up

2)     Hpa-awn

3)     Ningtau Hpa-awn

4)     Sasana Ginra lit-hkam ni

5)     Hkristan Hpaji Dap Hpa-awn

6)     Hpungtau Bot Hpa-awn

7)     Num, La, Ramma Hpa-awn ni

8)     Sub-Komiti Hpa-awn ni

9)     Hpung myit su (3).

Sub-Komiti (   ) hpaw da ai. Dai ni gaw   

Sasana Ginra lahkawng gaw Laydaunkkan Sasana Ginra hte Hlaingthayar Sasana Ginra ni rai nga ai.

III. Dap Hpa-awn ni

1. Sarama Ubyit Ja Bu                        (1991 - 1996)

2. Rev. Maran Zau Yaw                     (1998 - 1999)

3. Rev. Marip Ja Naw Jr.                    (2000 - 2014)

4. Sarama Lahtaw Nang Pan Awng   (2015 - 2017)

5. Rev. Maran Zau Seng                     (2018 - 2019)

IV. Galaw lai sai magam bungli ni

1.     1996 ning hta Kayin mung, Hpa-an de nga ai anhte Wunpawng myusha ni hpe Karai Kasang a mungga lu la na matu sasana galaw hpang sai. 1997 ning hta Sara Aung Myat hpe san da ya sai.

2.     1998 ning hta Makedoni Wa sasana hta KBC hte ta gindun nna shanglawm sai.

3.     1998 ning hta Sammung Ginwang, Munglung jawngma hpaji sasana boarder de shanglawm sai.

4.     1998 ning hta Kayin mung, Hpa An mare hta lamu ga Eka 5 kaba nna, namsi myu hkumhpa tu ai sun hpe Lap sen (9) (sen jahku) hte mari da lu sai.

5.     1999 ning hta KBC hte ta gindun nna Rakhine sasana masing hta shanglawm hpang sai. 2002 ning hta Rakhine mung, Minpya ninghtawn kaw nga ai, Hkwa Sung mare kahtawng kaw nga ai hpunau Laitu (Hkang amyu) ni hpe sasana galaw hpang sai. Sasana ginra hta apnawng nga ai Sara Htun Myint shabrai jaw ya nga ai. 2003 ning March (30) - April (9) ya laman YJH K/S Dap dat kasa hku Hpt. Zawng Lam hte Shy. Nang Pan Awng hku nna Hkwa Sung de sa du gawan ai hte masha marai (150) hpe Chyum laika sharin hpawng galaw ya lu sai. Shy. Lahtaw Nang Pan Awng hpe shata (6) (July - December) na shabrai jaw ya lu sai. Mare masha nkau mi a kan bau bungli a matu arang shapraw ya sai. Hkwa Sung sasana ginra lit hkam Sara Htun Myint gaw April shata (22) ya shani Madu Yesu hta yup pyaw mat wa sai. 2005 ning hta Rakhine mung, Hkwa Sung sasana ginra de laika sasana hku nna Shd. Galau Tang Gun, Shy. Kareng Htu Hkam hte Shy. Kareng Kai Din shata (2) sa du apnawng sai. 2014 ning December 11-13 ya hta Rakhine Hkwa Sung Buga Hpung hta Laitu Hkalup Sasana (25) ning hpring Chyeju Shakawn Hpawng hte Jubilee Masat Htingnu Dingshawn Poi galaw ya lu sai.

6.     Dagon Myothit Hpung Ginra gaw 2004 ning Dagon 6 &yfuGuf hta nga ai Hpt. U Chan Htun kaw nna kandang n bung ai Jinghpaw ni hpe zinlum la na matu tang tang madun wa ai hpe Slg. Lahtaw Nu La a nta hta  kabu gara shiga hkaw tsun ai lam hpang wa sai. 2006 ning hta Sarama Naw Ju Na hpe lit la galaw shangun let Sutdu Lahtaw Hkun Myat ni kaw nna sasana galaw lu na matu htingra alu jaw ai kaw nna sasana ginra gawgap hpang wa sai.

7.     Shwe Pyi Thar Hpung Ginra hpe 2008 ning hta Sara Marip Brang Seng kaw rudi nna sasana galaw hpang wa sai. 2014 ning hta Shwe Pyi Thar Ein Me Gyi sasana (tdrfrJBuD;) hpe galaw hpang sai.

8.     EE ladat hpe 2004 ning kaw na 2019 ning du hkra Ginwang/ Buga Hpung ni rai nga ai Waimaw, LGZ, Pyin Oo Lwin, Ungmati, Mogok, Katha, Namti, Gwihka, Seng Tawng, Lawnghkang, Taunggyi, Emanuela (Myitkyina), Yangon Myintha, Htingnai, Shatapru, KBC, Ta Mungne, Shingbwi Yang, LMJH (Lashio), Tang Yang, Manmaw, Bethani, MBCU, ni hta yawng pawng masha marai (1186) hpe sharin achyin ya lu wa sai.

9.     Tara maigan ni kaw na myit malai hkalup hkam la ai Hlaingtharyar, Dagon, Laydaunkkan, YJH makau na yawng pawng masha marai (218) rai sai.

10.  2010 ning hta YJH Nargis nbung laru karum kahtau komiti gaw hpunau Pwo Kayin ni hte lata gindun let sasana bungli masing nnan hpe galaw hpang wa sai. 2010 ning May 23 ya shani hta, Seik Pyo Chin (pkdufysKd;jcif;) Nawku Htingnu Dingshawn Poi hte Chyum laika sharin hpawng hpe mung lahkawng ya tup galaw sai. 2010 ning June 13 ya hta YJH Buga Hpung kaw nna alu dawchyen shanglawm ai Htinpung (xif;ykH) Nawku Jawng Dingshawn Poi galaw ya lu sai. 2011 ning March (26) ya shani hta Seik Pyo Chin Sasana Ginra gaw Buga Hpung langai byin tai wa sai. 2011 ning December (14) ya hta YJH hte Pwo Kayin Convention ta gindun sasana hpe magum bu sai.

11.  2018 ning hta sasana ginra nnan Shan Wa Tha hte Paik Gyi We hpe maram masam hku galaw hpang sai.

12.  2019 ning February 18-26 ya laman hta No. (1) lang na Kabu Gara Shiga Hkaw Tsun ai Campaign hpe Keng Tung Ginwang kaw sa du let EE ladat ni hpe sharin ya let campaign hkawm lu sai.

 

hlaing thar yar sasana ginra 

Ginra Lithkam Ni

1. Rev. Maran Zau Seng (2018-2019)

2. Rev. Dashi Gam Seng

Ningtau Lithkam Ni

1. Sara Pawm Naw Tawng

2. Sarama Lahtaw Nang Bawk Mai

3. Rev. Khin Hla Mg

Labau

1.     1999 ning November hta EE ladat sharin let tatut hkaw tsun ai hta Hlaingthayar kaw nga ai Khine Su Wai a katsa, U Tin Thein a madu jan Daw Naw Lah Set machyi kaba hkrum nga ai ten, tsirung kaba hte dum nta hta nawku hpung kaw na sa du gawan akyu hpyi ya ai majaw Karai mungga hpe na la sai Daw Naw Lah Set gaw shi wundoi mat wa jang, shi a hkum tsawp hpe Yangon Jinghpaw Wunpawng Hkalup Hpung de ap da nga htet da ai hte maren, Nawku Hpung nna makoi mayang ai hpawng, shalan shabran hpawng hte myit dum akyu hpyi hpwng ni hpe alang hte lang galaw ya lu sai. Dai majaw, hpunau Myen ni a lapran hta nawku hpung ginra byin wa na lam a npawt tai wa sai. U Tin Thein hku nna shi a dum nta hpe sasana rudi shatai na ahkang jaw ai hte dai nta kaw na sasana hpang wa lu sai.

2.     1999 ning hta Hlaingtharyar hpunau Myen amyu sha marai (4) hkalup hkam la sai. 2003 ning hta Hlaingtharyar sasana a matu lamu ga htingra (40’ x 60’) mari da lu sai. 2004 ning hta lamu ga htingra (60’ x 60’) hpe mari jat la sai. 2010 ning hta htingra (20’ x 60’) hpe Slg. Kareng La San hte Jan Hpt. Lamawng Ja Lawt dum nta masha ni alu jaw ai hte bai mari jat la sai. Hlaingtharyar Sasana Ginra wang hta, Sara Nta hpe gawgap da lu sai. November 24 ya hta shawng na nawku nta dingshawn shang lu sai.  Shawng nawku nta dingsa mat ai majaw bai ningnan gawgap wutdek nawku htingnu hpe 2015 ning October 17 ya shani hta apnawng dingshawn shang lu sai.

laydaunkkan sasana ginra

1.     Laydaunkkan mare gaw1986 ning hpyen dap na pension sha nna shawng nnan du wa ai Labya Yaw hte Jan Ma Shan nta masha ni hte kaga hpung masha ni kanawn mazum ai hpawng galaw ai kaw nna hpang wa sai. 2001 ning hta YJH K/S Dap ni woi awn let Slg. Dingring Gam nta kaw sasana galaw hpang wa sai. 2004 ning hta YJH Hpung htingra hku nna Laydaunkkan sasana galaw na matu (80' x 120') dam ai lamu ga hpe nta hte hpawn mari la nhtawm dai kaw nawku dawjau hpang sai. 2013 ning hta Nawku Jawng Htingra hpe mari la lu sai. 2019 November hta Nawku Jawng Dingshawn shang poi hpe galaw la lu sai.

2.     1950 grup-yin kaw nna Laydaunkkan kaw Asuya magam gun kaw nna hkring sa ai Jinghpaw Hkalup Hpung masha ni nga hpang wa sai. 1989 ning shawng daw kaw nna Myintha Lawk Hpung ngu nna shamying let ai hte Yangon Jinghpaw Wunpawng Hkalup Hpung kaw nna Poidaw sa jaw  ya ai, Laban Sharin Hpawng ni hpe sa woi awn lai wa sai.

3.     2005 ning hta Sasana ginra langai mi gawgap da lu ai hte Sara Nawng Hpung hpe Lithkam Sara hku san da lu sai.

4.     2008 ning kaw nna Ginhtawng Sharin Jawng hta Music hte Jinghpaw Laika hpe sharin ya hpang sai.

5.     2012 ning July shata hta Sara Aung Hkin Lat @ Zau Bawk hpe Lithkam Sara hku nna bai shatsam da sai.

6.     2016 ning hta kaw nna Sara Khin Hla Mung hpe Lithkam Sara hku bai shatsam sai.