I. Yaw shada ai lam
Jahpan Jep Komiti gaw, Buga hpung a gumhpraw jahpan, arung arai jahpan ni hpe jep nga ai komiti re.
II. Jahpan Jep Komiti hta
i. Hpa-awn
ii. Ningtau hpa-awn
iii. Gumhpraw jahpan jep kung kyang
ai, mahkrum madup nga ai myit su
(3) shang lawm ai hte Hpung a jahpan hpe jep ya nga ai re.
III. Komiti Hpa-awn Ni
1. Slg. Dadang David Brang Shawng (1991-1995)
2. Slg. Lasham Tang Gun (1996-1999,
2006-2009)
3. Sara Marip Naw Tawng (2000-2003)
4. Hpt. Shadan Zau Seng (2004-2005)
5. Sarama Maji Hkawn Ra (2010-2011)
6. Sarama T. Hkawng Nyoi (2012 - )
7. Hpt. Hpunggan Nang San (2013-2014)
7. Jan Ngalang Ja Awng (2015-2019)
IV. Galaw lu magam bungli ni
1.
1991
ning du hkra Jahpan Jep Komiti san da ai lam n nga ai. Buga Hpung a jahpan
chyarang ni hpe Hpung Amu Madu ni lit la nna report tang shana ai.
2.
Shawng nnan na
Jahpan Jep Komiti hpe 1992 ning hpaw hpang da sai.
3.
Jahpan
Jep Komiti a magam bungli gaw, Buga Hpung a ja gumhpraw alu jahpan ni hpe ladaw
hte ladaw aten la nna jep sagawn nhtawm Hpung Kongsi de tang shana sharai
shading hpaji jaw ai lam galaw ai. Alu gumhpraw jai lang ai lam hta kangka sadi
sahka ai hte jai lang lu na matu hpaji jaw lam madun ai.
4.
2000
ning kaw nna, shang/pru jahpan ni hpe Manual laika buk galaw nhtawm asung
jashawn jai lang hpang wa sai.
5.
2012
ning kaw nna gaw Sut Bau Kyem Dap ni hku nna ja gumhpraw shang/pru ai lam ni
hpe asan sha galaw mazing da ai lam, Dap,Board, Komiti kaw nna ngut ai hte
maren, lawan ai hku Sut Bau Kyem Dap de sanglang ai lam, Gumhpraw ngam ni hte
Bank kaw mung jahpan hte hkrak ap ai, shaw ai lam ni hpe galaw ai lam, Ja
gumhpraw jahpan ni hpe jahpan laika buk hte sha n-ga computer system hte mung
hkang zing lajang da ai lam ni hte, Hpung a ja gumhpraw jahpan yawng hpe laning
mi hta (2) lang jep nna Hpung Kongsi de tang madun ai.
6.
YJH
Buga Hpung kata na Dap, Board, Komiti ni, Sasana Ginra, Hpung Ginra, Hpaji
Shakat Sasana Ginra, Rev. M. Zau Yaw Retreat Centre hte YJH Hpung nta ni hta
nga ai sut arung arai ni hpe mung hkum tsup ai hkrang hte jahpan hpe jep sagawn
ai.